♥ 迪士尼好萊塢酒店 米奇廚師餐廳自助餐 ♥

好開心可以密密出文

黎緊星期五要考Mid-term

所以依兩日都o係屋企溫書

岩岩溫完一課所以抽半個鐘頭休息下打下blog先

十月中的時候 同事見到Yahoo團購有迪士尼自助餐優惠

成人只係$218/位 另加服務費$34

問我有冇興趣 ^-^

當然有興趣啦 我咁鍾意迪士尼 XDDD

而且價錢真係好抵 平時冇優惠食都要成$458架

最後一行七人o係11月頭
去左迪士尼好萊塢酒店米奇廚師餐廳食自助餐

今次都係我第一次黎好萊塢酒店

之前兩次high-tea都係去另一間酒店

依間酒店雖然冇樂園酒店既外觀咁靚 但係我覺得都幾充滿時代感呀^-^

自助餐有兩個時段

5:30-7:30 ; 8:00-10:00

因為我地太遲book既關係 所以我地只可以揀5:30-7:30依個時段呢

7:30準時到 影下間餐廳先 勁鍾意佢牆上既畫

我地被分派去一張圓枱 幾有屋企feel

急不及待出去拎野食 (其實係影相 hahaha)

甜品永遠最吸引我 XDDD

怪獸大學熱潮仲未退得哂~~你地睇下D甜品都有佢地既蹤影架

甜品既種類都幾多 樣樣都好吸引添

一般酒店都有既朱古力噴泉 依度都有~~

冇一杯杯既雪糕

冇哈記既雪糕

得機制既唧唧雪糕

不過幾好食 但因為太飽既關係我冇用雪糕筒食

聽同事講返 個雪糕筒都好好味 好脆^-^

壽司種類唔太多 同埋舊飯超大~~~

甜品仲有另一邊

米奇頭既牛油曲奇勁好食^-^

依隻都唔錯 不過我食唔出係咩味XDD

有唐老鴨圖案既甘荀蛋糕~~~ 好可愛呢

有米奇圖案既乎古力瑞士卷 好精緻呢 味道都唔錯

海鮮方面有凍蝦 都幾新鮮下^-^

好大隻蟹腳呢~~

不過我好懶 唔想剝所以冇食到 hahaha

牛扒睇落去都好好食呀~~~因為太飽既關係又係冇食到 T_T

我最愛既壽司火炙三文魚 不過依度整得麻麻地XDD

令我好飽既元兇就係三文魚~~~~~~

食左好多好多 真係好好味呢~~~

而且不斷refill呢 可以任夾黎食

因為以前去食其他自助餐 大多都有師傅切比你架嘛

唔洗怕唔新鮮因為一出就好快冇哂XDDD

基本上我地好多人都係因為三文魚而好快飽 hahaha

真係好新鮮肥美 勁掛住

有羊架呢~~不過我唔食羊唔知味道如何XDD

繼續睇甜品

依個pooh慕絲蛋糕 邊有人會捨得食呀?

依家輕輕食左一粒~~味道普通 可以不吃XDD

藍梅芝士蛋糕 味道唔錯 ^-^

依個薯絲炸蝦好好食呀~~~食左好多舊XDD

仲有點心食架呢~~~不過冇酒樓整既咁好食 >-<

好想帶左佢返屋企呢~~~~好靚 !!!

其實總體黎講都幾好食既~~但今次好快就飽~~食唔到太多野

所以下次如果再有團購 我一定會再買 再黎試真d ^_^