♥ 忙裡偷閒敗家樂 || ♥

哇哇哇~~~很久沒見啦大家 ^-^

終於到學期終了 但還算是可以輕鬆的時候

因為我的考試將於一月初舉行 聖誕假期又要在壓力中度過

明年今日就不用再被考試折磨了 明年今日我已經是上班族

今天就寫寫我在繁忙之中的敗家吧 ^-^

十一月尾, 還沒算很繁忙的日子

跟好友們一放學就去了葵芳廣場添置冬季衣服

每人都大有收獲呢

♥ 2013 韓 .首爾瘋狂之旅 . Day 1 (下) ♥

又襯返學前既時間快快手寫文先 ^-^

星期六日上班時發生了很多不如意的事
幸好身邊有很多人支持我 所以很快就沒事了 

忙到要死的日子我還要追劇 追劇令到我做報告的時間小了

因為時間小了竟然令我加快了做報告的時間 hahaha

接下來還有很多份assignment ... 原本很想enjoy final year

但我發現我enjoy唔到呢 XDDD

♥ 2013 韓 .首爾瘋狂之旅 . Day 1 (下) ♥

2013.9.1 - 2013.9.7

凌晨機 -> 酒店 -> 鷺梁津水產市場 -> 明洞血併 -> 酒店 -> 晚餐 -> 酒店

離開左鷺梁津水產市場之後

我地就去左明洞血併了

♥ 迪士尼好萊塢酒店 米奇廚師餐廳自助餐 ♥

好開心可以密密出文

黎緊星期五要考Mid-term

所以依兩日都o係屋企溫書

岩岩溫完一課所以抽半個鐘頭休息下打下blog先

十月中的時候 同事見到Yahoo團購有迪士尼自助餐優惠

成人只係$218/位 另加服務費$34

問我有冇興趣 ^-^

當然有興趣啦 我咁鍾意迪士尼 XDDD

而且價錢真係好抵 平時冇優惠食都要成$458架

最後一行七人o係11月頭
去左迪士尼好萊塢酒店米奇廚師餐廳食自助餐

♥ 2013 韓 .首爾瘋狂之旅 . Day 1 (上) ♥

o係返學前快快手寫一寫我兩個月前既韓國遊記先

終於可以開始寫第一日啦 !!!!!! 執相既時候 越睇就越掛住韓國

好想快d再去過韓國呀 XDDD

行程係同同學仔一齊編排

而後期準備功夫就係我自己準備既 為左個trip萬無一失

今次我準備左成31頁的天書呢 XDDD

有左天書之後 咩旅遊書都真係唔洗再用~~

雖然今次有d地方去唔到 有d野食食唔到

但都好開心好完滿架啦XDD

♥ 2013 韓 .首爾瘋狂之旅 . Day 1 (上) ♥

2013.9.1 - 2013.9.7

凌晨機 -> 酒店 -> 鷺梁津水產市場 -> 明洞血併 -> 酒店 -> 晚餐 -> 酒店

約左朋友仔10:30 o係香港機場度集合

齊人之後就去check-in啦 

我地今次揀左韓亞航空 聽韓國既朋友講韓亞o係韓國係top1既航空公司呢

check完in之後o係機場買左小小野食 因為都仲有一段時間先有飛機餐食

食完野之後就去登機口等上機啦

次次都趕頭趕命冇影上機前必影位XDD

今次終於影到啦 hahahaha 個樣都尚算精神

♥ 2013 聖誕篇 - 懶懶熊十周年之星光遊樂園 ♥

又到聖誕又到聖誕 又到左我最喜歡既聖誕節啦

因為每逢聖誕 香港各大商場都會有唔同既展覽同裝飾

以前都可以出篇推介文 之後先再寫親身去既文章

但今年實在冇時間去寫推介文 直接寫我去左既文章啦 T_T

韓國遊記都仲未有時間出呢 但想出左d節日限定既文章先

不過我前兩日終於揀哂韓國d相啦 !!!!!!!!!
不過2013年就快完 會唔會到2014年先睇到韓國既遊記 (omg)

今年第一個去既商場就係位於尖沙咀的the ONE

今年主題係懶懶熊十周年之星光遊樂園

你地睇下佢真係好懶架 XDDD

♥ 唐老鴨收藏之更新回 (八) ♥

是不是想不到我這麼快又有新文章呢?

因為剛剛放學去了商務買了三樣有關唐老鴨的精品

所以很想跟大家分享 XDDD

然後發現之前有幾件沒跟大家分享呢 ~~~ 現在順道分享吧 ^^

先分享剛剛買的單品吧

分別是文件夾和兩張貼紙

十分喜歡這個文件夾 有很多很多不同的Donald

心思思想買多一個收藏 

♥ 與豬豬們再會 BBQ7080 & 宏 ♥

其實我是剛剛補課完畢 然後很想睡覺

但今天心情非常不好 所以想寫寫文章

還有最主要的原因是

我今天晚上回來收到小t從南非寄來的明信片

而我知道 總有她會看我的文章

我十多天沒寫文 會讓她很失落的

 (雖然我知道妳知道我忙 不會介意XDD)

又消失了大半個月 ... 原本想快快開始寫我的韓國遊記

可是因為Final Year ... 工作密密麻麻 

還沒有時間去挑選那七天六夜行程的相片 /_\

又原本想寫昨晚的迪士尼自助餐 來個新鮮滾熱辣的文章

但因為寫那個的話 可能又要花上好多時間 XDDD

那就唯有寫以下的約會文吧 XDDD 因為早早執好相 打文字即可 hahaha

.

.

.

十月是我,Cora,小金的生日月

所以繼上次咖啡弄的聚會後 這次就來個生日聚會

後來跟CC和小V提起我們有這個聚會

就問問她們有沒有興趣一起Dating?

可惜的是那天小V沒有空 最後只得我,Cora,小金和CC Dating囉

我們選了在BBQ7080吃晚飯

這次跟上次的感覺完全不同 所以也不想寫太詳細XDD

♥ 暫別我的迪士尼樂園 十月全城哈囉喂 ♥

最近在九月尾和十月初分別各去了一次迪士尼

十月初那次更是我短期內最後一次去迪士尼嚕 

因為我的年證終於過期了

所以短期來應該也不會有迪士尼遊玩的專文了

(小預告: 但我會在十一月初跟同事去迪士尼酒店吃自助餐)

第一張年證 入場紀錄是五次

第二張年證 入場紀錄是十二次

哈哈哈 真的很誇張XDD

還有一次只到了酒店High Tea

還有一次只到了迪欣湖拍照XDD

九月尾 樂園的米奇已經換上南瓜作為佈置了

意味著萬聖節活動差不多開始了

♥ 2013 生日篇 - 甜蜜幸福的22歲生辰 ♥

有很多很多的事情想跟大家分享

但我的時間越來越不夠用...嗚

一兩星期才出一篇文 我實在很慚愧 XDD

但今天特別想打blog 因為很想用文字紀錄最近的幸福

有些事若不寫下來 我怕將來我會忘記當初的感覺

20131006 - 22歲生辰

好像才剛剛跟大家分享我的21歲生辰 (詳情)

轉眼間就跟大家分享這一年的生日活動 XDD

上兩年的生日都是在迪士尼中度過

今年很特別很驚喜呢 

這天下午仍然與功課中戰鬥 差不多四時才準備出門與男友會合

鬼馬的男友早早出門了 不知道準備了甚麼驚喜給我

男友讓我選擇自己的生日大餐

原本男友說不如跟我吃韓燒 就是上次跟大家介紹的BBQ7080 (詳情)

但麻煩的我就說: 「我想吃一些我們還沒吃過的餐廳」

所以最後就選擇了同類型的餐廳 牛角

其實跟男友一起後 好像變得特別喜歡吃牛XDD

牛陣 牛一 牛涮鍋 後 我們第一次吃牛角 hehehe

♥ 2013 夏 . 輕鬆休閒芭提雅曼谷之旅 . Day 6 ♥

昨天是我的生日 hehe
因為男友 所以過了一個幸福快樂的生日
遲一陣子再跟大家分享 ^-^

最近我在換7-11的海賊王新世界公仔

我的戰績暫時是有五個 分別是烏索普,羅賓,女帝,山治和芬奇

還沒換到我最想換的卓洛君呢 !! 我會繼續努力的~~

今天跟大家分享泰國旅程的最後一天
其實這天沒有行程 加上那天好像因為吃得太多芒果

所以一直肚子痛

但為了完整的遊記 也放幾張照片跟大家分享吧 ^-^

♥ 2013 夏 . 輕鬆休閒芭提雅曼谷之旅 . Day 5 ♥

又消失了很久 ~~ kapo最近忙到不得了 ~~

接下來也會繼續持續忙碌 同時兼顧學業和工作 加上快快到我的生日啦 !!

要撥出一些時間慶祝呢 所以為了生日

我很用功溫習了兩晚 慢慢開始適應上學的日子 ^^

最後一年當學生 所以想盡力做好自己 ~

泰國遊記拖了很久 終於快可以踏入尾聲了 haha

♥ 2013 夏 . 輕鬆休閒芭提雅曼谷之旅 . Day 5 ♥

Hotel -> Terminal 21 -> Big C -> Central World -> Hotel

(這天有小插曲呢)

曼谷酒店最值得一提就是它的早餐~~

與芭提雅相比之下 這家酒店的早餐更加豐富和美味~~ 

♥ 深圳歡樂海岸 好吃的蜜糖吐司盡在LADY7 ♥

哈哈 又唔打泰國遊記

打一篇我都幾想打既食記

點解無端端想打依篇呢 因為依一刻好想食吐司呀

夜媽媽都掛住食 我諗我有排都瘦唔到架啦/_\

不過我真係唔抵幫...

想食shakeshake薯條

日日食韓國零食waffle曲奇

真係又好想再講 點解食野要肥呢? XDDD

今次同大家介紹既餐廳/CAFE係位於深圳歡樂海岸既LADY7

單單睇佢既外觀 就覺得香港既CAFE完全冇得比

張相影到勁似官方相片~~~o個度真係好靚架

♥ 遠離城市 窺探大澳風情 ♥

為左慶祝將d舊文成功搬過黎依度 ...

所以我決定今晚寫返篇blog賀一賀佢 XDDD

搬blog事宜可以告一段落, 以後可以安安心心咁寫blog啦 !

Google唔會又執掛!?

其實好多文積左好耐呀 ...

但唔知點解近半年 越黎越小時間寫blog咁

沉日亦都開左學 終於都final year...

final year想勤力d 上進d 

希望各方面都平衡得好好啦

入返正題先...

八月初 同男朋友去左大澳玩 :)

依次係我地第一次去大澳 ~ 香港細細但其實仲有好多地方都未去過

我地住o係鄰近屯門區

所以我地選擇左以下既交通方法

-> 乘輕鐵到屯門碼頭站轉乘渡海小輪

(到達大澳大概五十分鐘左右, 中途會停兩站)

單程船費: HK$25

♥ 2013 韓 .首爾瘋狂之旅 . 序 ♥

仲未好熟習新Blog, 仲研究緊點將舊Blog Trans過黎依度 ...

唯有寫下新Blog啦 ... (泰國trip要將舊blog搬左過黎先繼續寫)

九月的第一個星期我同同學仔去左pre-grad trip
(因其中一名同學說畢業後可能沒時間一起去旅行, 所以將畢業旅行提前)

目的地係女孩子都好愛既韓國

同之前泰國Trip既模式一樣 我會先出一篇序簡介一下我地七日六夜既行程先

之後就會Day by Day咁介紹

行程係同同學仔一齊編排

而後期準備功夫就係我自己準備既 為左個trip萬無一失

今次我準備左成31頁的天書呢 XDDD

有左天書之後 咩旅遊書都真係唔洗再用~~

雖然今次有d地方去唔到 有d野食食唔到

但唔緊要 因為我已經想2014年12月再去多次韓國~~~ :)

哈哈哈 只可以話旅行會上癮架 XDD

♥ 小教學 如何將文章分類 ♥

見到為數不少的blogger都選擇了blogspot這個平台.

希望會越來越多的blogger選取這兒建立新的家庭.

不少blogger選擇鴉烏都是因為它簡單易操作.

用了很多年, 已經習慣了它的功能 !

霎時間要搬家 面對新家會有很多操手無策的情況

昨天我也被文章分類考起了 !

及後發現很多人也遇上相同的情況 ~

所以倒不如把我的得著分享出來~

讓大家快快建立到自己的家 ^_^

(P.S. 整小教學時, 也讓我明白了新一樣功能呢)

♥ 搬遷 再見鴉烏 ♥

仍然在摸索這個新的網誌

原來我在這幾年來在鴉烏Blog斷斷續續寫了二百四十八篇網誌

累積瀏覽有七萬多

累積人次則有二萬多

曾經兩次被鴉烏小編輯挑選了成為人氣精選的文章

也曾經兩度成為人氣blogger.

♥ 2013 夏 . 輕鬆休閒芭提雅曼谷之旅 . Day 4 ♥

仲有四日我又飛去韓國玩啦~~~
原本希望可以打哂成個泰國trip, 但係我掛住plan行程同整shopping list !
所以打算去完韓國先返黎再打 ...
不過好似真係拖得太耐~~ 依家快快趣打多一日先 XDDD
Day4算係重量級文章, 有成36張相同大家分享

♥ 2013 夏 . 輕鬆休閒芭提雅曼谷之旅 . Day 4 ♥

Hotel -> North Bus Terminal 搭Bus -> Bangkok: Hotel -> 翟道翟市場 -> Central World -> Big C -> Hotel
今日要離開芭提雅 要返返去曼谷啦 XDD
仲有更豐富既行程等緊我地~~~帶住不捨但又期待既感覺
把握時間o係酒店影多小小相先~~~

♥ 2013 夏 . 輕鬆休閒芭提雅曼谷之旅 . Day 3 (下) ♥

又多天消失了~~~
因為前幾日換左新電腦~~~好懶咁拖左好耐先裝返個修圖軟件~~~
同今日先的起心肝打BLOG~~~ 因為8號風球~~~原本要返工都變左唔洗返~~~
換左電腦之後~~~ UP相快左好多好多呢
要快D打完遊記~~~因為好想同大家分享其他野XDDD

♥ 2013 夏 . 輕鬆休閒芭提雅曼谷之旅 . Day 3 (下) ♥

Hotel -> Art in Paradise -> Central Festival Pattaya -> Hotel
上回講到去左3D藝術館Art in Paradise …
之後我地搭雙排車去左芭提雅最大型既商場Central Festival Pattaya
第一時間就去左我想食左好多日既SWENSEN’S
如果香港都有依間雪糕店 我一定會成日去食呢

♥ 2013 夏 . 輕鬆休閒芭提雅曼谷之旅 . Day 3 (上) ♥

其實今日好眼訓~~
往往藍天白雲既日子就係我返工既日子~~~
真係好想快d去親親大自然呀 
太累啦~~~前言唔講咁多啦

♥ 2013 夏 . 輕鬆休閒芭提雅曼谷之旅 . Day 3 (上) ♥
Hotel -> Art in Paradise -> Central Festival Pattaya -> Hotel
今日係我地最後一日留o係芭提雅啦~~~聽日我地就會起程返去曼谷玩
依日食完早餐之後~~ 早上就留o係酒店度游水啦
第一次o係咁開揚既泳池度游水~~~其實我唔識游水~~~玩水至真 XDD

♥ 朗豪坊 : Hello Kitty 走過獅子山下 ♥

一年一度Hello Kitty展又進駐了朗豪坊
其實很怕在朗豪坊拍照 因為人來人往 地方很小
但這次展覽 Kitty的造型都很特別呢  所以人多都要去 XDDD
現在是暑假 就算星期一去 都再沒有”平日少人一些”這隻歌仔唱啦
原本可以一次過拍完全部造型的Kitty
怎知道當天跟朋友拍了一會兒後 無端端被封場
原來有雜誌拍攝呢 /_ 很生氣 !!
如果朗豪坊可以在專頁通知一下就好 那我就不會選擇這天來拍攝 
我還欠一些造型沒有拍 在糾結去不去多一次呢? (強迫症地想拍完整呢 > <)
話說這次展覽真的很好拍~~~~ 一定要去的 !!!!
開放日期為即日起至九月十五日 由上午十一時至晚上十一時

♥ 2013 夏 . 輕鬆休閒芭提雅曼谷之旅 . Day 2 (下) ♥

快快手打埋第二日先 
今日放假去左朗豪坊影Hello Kitty, 其實覺得自己有d強迫症
個個商場展覽都好想去影 
我仲好想去影藍精靈啦~~~姆明啦~~~海棉寶寶~~~綠野仙蹤~~~小熊維尼~~~
話時話 今個暑假冇寫商場展覽推介添~~~ 我真係懶左好多呀 

♥ 2013 夏 . 輕鬆休閒芭提雅曼谷之旅 . Day 2 (下) ♥

Hotel -> 出島 -> Dinner at Royal Garden Plaza -> Big C -> Hotel

返到酒店梳洗完之後就搭雙排車去Royal Garden Plaza
今晚晚餐就o係依個商場解決啦~~~
商場外形都值得影相留念架~~

入到去見到個我覺得好似曾志偉既公仔~~~
外國bb入左鏡 仲望住我個鏡頭添 hahaha 好可愛呀

原本諗住食Sizzier~~ 係食扒既~~ 但見到價錢覺得唔咁抵食~~就去左food court度食啦
依度d food court係入場比左card你去買野食
食飽飽之後先去cashier計錢~~~

依間food court我覺得係我見過最靚既food court

叫左芒果糯米飯
原來冇我想像中咁好食~~
可能係food court整得唔好食啦~~
不過芒果真係好甜呀

叫左炸蝦食~~~好好好好味~~
我好似食左4隻定5隻

依個係男友叫既咖哩牛肉飯~~
好重香茅味~~~所以我唔鍾意食T^T

仲叫左椰青飲tim~~~ 超大個呀

好似係我第一次飲椰青~~~

椰青朵花都比我拎左黎玩~~~
我係花花少女呀

唔記得哂d野食幾錢~~~其實我有mark低架~~~
不過係男友手機度 


食飽飽就再行Big C
經過第一日, 已經行熟左~~~
今次再返黎係買手信呢 XDDD
因為怕o係曼谷冇時間去Big C, 但最後都有去 
依張相手臂粗粗

戰績~~~~
拎返公司~~派比同學就岩哂啦
魷魚方面就係買左紅色同藍色~~
我鍾意藍色多D  藍色重蒜味~~~
但男朋友鍾意紅色多D
o係泰國買依d真係好平呀~~~~
44B (HK11.2) 12包~~~除返開 HK0.9

紅色紫菜係辣味~~~ 真係好辣
綠色係原味
橙色係魷魚味~~~我最鍾意食依隻~~下次會買多D依隻
紫菜唔係好記得幾多錢 應該52-64B左右~~~

仲買左明信片寄比同學朋友~~ o係酒店度有得寄~~~
唉 但係到左今日~~~同學朋友都冇收到 /_
 好唔開心呀~~~~
寄一張都要成10蚊架 

yeah~~~又完成一日~~~之後會到左我最鍾意既Day 3呀~~~~
不過又想分享高達同Hello Kitty先 hahaha黎緊四日都放假~~~會努力努力~~~

♥ 2013 夏 . 輕鬆休閒芭提雅曼谷之旅 . Day 2 (上) ♥

仍然下雨不停 … 跟好朋友訴說因為下雨天所以很不快樂~~~
好朋友跟我說 : 「別讓天氣影響心情 下雨天也可以很快樂」
所以沉日即使落雨~ 仍然去唔到石澳/大澳/南丫島 (最近想去既地方)
仍然去行商場~ 但都好開心 XDD
因為我食左我想食好耐既芝士薯條同埋去左時代廣場朝聖下高達~
um … 希望在明天丫嘛 !! 希望下星期五可以陽光普照啦 !!
香港落下雨~~~ 咁就帶大家返去六月時既芭提雅啦 
Day 2正式開始 

♥ 2013 夏 . 輕鬆休閒芭提雅曼谷之旅 . Day 2 (上) ♥

Hotel -> 出島 -> Dinner at Royal Garden Plaza -> Big C -> Hotel

好緊張呀~~~今日會出島玩~~~
出島之前o係酒店享用早餐先 !! 



其實我係一個好偏食既人~~對於食物我唔係好敢作出新嘗試~~
如果選擇唔係好多既話~~我會食返d保守d既野 XDD
食左可可脆片食左牛角包食左奶黃包仲有一舊薯餅
早上唔係食太多野所以好快就飽~~~
仲有再加無數杯既蘋果汁~~ 唔知點解好似特別好飲咁既 !?

開開心心~~~

食飽早餐就汁下野~~~順便汁返好個樣 XDD
依個時候冇咁水腫啦個樣 XDDD
出露台影下相先~~~ 嘻嘻
係我幾日入面影既相 依張相都算我的最愛頭幾位

汁齊野出發啦~~
走出酒店~~迎接我地既係藍天白雲~~

我地諗住睇下芭提雅本身既沙灘靚唔靚先決定出島既~~~
但一場黎到~~~都係選擇出島玩
這片天空好大~~~~遠方的一點點係其他人玩緊降傘呀~~~

搭雙排車去Pattaya Pier

去到一個行人專用區 司機就放低左我地 要自己行大概10-15分鐘度~~~
見到泰國版既麥當勞叔叔~~必影呢~~~
話時話依家o係香港好難見到佢一面~~~

仲有第二個呀~~~ 我扮得唔似

去到Pattaya Pier搭非公家既大船~~~
咁首要去碼頭個counter度買飛~~~ 單程30B (HK7.7)~~
counter個姐姐會話你知今日適合去邊個島度玩~~~
我地原本話去其中一個島~~~ 佢會用廣東話講”大浪”
佢又會話”十二點 十二點 快d 快d”
好搞笑 


上左船等開船~~~

o係船上影返出去~~~ Pattaya city~~~

影天空都影左好多張~~~~

依程船大概搭左一個鐘~~~
架船就係咁架啦 ~~~
男朋友話落船既時候~~~
拎住草帽既女人當左佢係柱咁扶~~你咁捉住佢件衫

但其實架船原來會載你一個大島~~~之後上左島要搭電單車去唔同既島仔度
今次係我第一次搭電單車~~~一架電單車仔載左我啦~~男朋友啦同埋司機~~~
其實我有d驚~~~不過好好玩

我地去左Thien Beach度玩~~都係上網睇人去咩島玩就跟住人去 XDDD

行過一條小橋先到~~~
好似幅畫一樣咁靚~~~~~

咁靚既景~~唔影相留念真係唔得呀~~~~~~

去到就要租沙灘椅~~~ 大約60B (HK 15.3) 一張~~~ 都OK啦~~~
我仲o係度做左foot massage~~~ 哈哈哈~~ 好歎呀~~~~

不過個天突然灰灰地~~不過都好既 唔洗曬黑 (安慰自己)

見到對外國情侶好SWEET SWEET~~~

又見到兩隻狗仔o係度打架

最後3點幾就走啦~~~ 想返酒店沖返個涼先再出去玩

搵唔搵到依張相既亮點 ??

搭返電單車去碼頭搭船返去市中心~~~~
落左船之後行返去碼頭~~~ 依度先記起要影低個碼頭比大家睇 XDDD
拎朵花姐住男朋友先

好肚餓呀~~成朝都剩係食左早餐~~~
見到有車仔檔就買黎試下啦~~~~

見到D雞就好想食啦~~~~

我男朋友仲專業過我~~~
你快D影黎打BLOG啦~~~不斷講左好多次XDDD
所以買野食既過程都影左好多相 

都幾好味~~如果全部都係雞肉冇其他配料就好啦~~~~~HEHEHE~~~

下part再見~~~希望聽日放工返黎打埋佢啦 ^^