♥ 深圳歡樂海岸 好吃的蜜糖吐司盡在LADY7 ♥

哈哈 又唔打泰國遊記

打一篇我都幾想打既食記

點解無端端想打依篇呢 因為依一刻好想食吐司呀

夜媽媽都掛住食 我諗我有排都瘦唔到架啦/_\

不過我真係唔抵幫...

想食shakeshake薯條

日日食韓國零食waffle曲奇

真係又好想再講 點解食野要肥呢? XDDD

今次同大家介紹既餐廳/CAFE係位於深圳歡樂海岸既LADY7

單單睇佢既外觀 就覺得香港既CAFE完全冇得比

張相影到勁似官方相片~~~o個度真係好靚架

我o係八月其中一個平日去

因為我地好早到 所以好好彩一入到去就有位啦 ^^

餐廳一共有三層 環境十分好

坐低左之後睇下餐牌先

佢個Charming Blueberry外表好吸引呀

不過同行的男友家姐已經試過

今次試下其他味先

最後點左左下角的Golden Beach同埋右上角既Chocolate Love

佢同咖啡弄一樣有鬆餅

今次冇叫到 下次一定要叫下 睇下邊間好食d

飲品方面都有好多選擇

但係我鍾情於水果茶 

之後仲點左好多鹹食架

點完菜 趁上層冇咩人時影左幾張相

餐廳環境真係好好呀 好鍾意呀救命

之後陸陸續續好多人黎 勁旺場呀 !!

而我地點既野食都黎左啦~~~

首先有既係明太子大蝦意粉

原來我係咁鍾意明太子味

佢好真材實料 勁爆多魚子 差唔多清左半碟

好好味但份量太小了

焦糖菠蘿雞肉薄餅

依個係男友家姐推介

不過今次個醬汁好似煮得唔係太好 所以味道普通

然後係熱辣辣薯條 依個好多薯仔 好rich架

所以叫左兩盤 

叫左個併盤 好似多d野食咁

但中間既蕃茄意粉唔好食

黎依度一定要食返上面既明太子意粉

雞肉ok啦 唔會太大驚喜

又係家姐推介既雞翼

但又同上次佢食既唔同味 HAHAHA

不過都真係幾好味既依個 XDDD

食哂鹹食終於到我期待已久的蜜糖吐司

依個係Golden Beach

上面係雲尼拿雪糕同芒果醬

紫色角o個舊野令我聯想到獨角獸

依個我就係食左小小 所以評論唔到

切開左之後就係咁架啦~~~~~~~

係咪好似好好食呢???

d吐司一粒粒好可愛 粒粒烤到暖笠笠

加埋d雪糕 食落去真係無比幸福 XDD

講到我都覺得自己好誇張 hahaha

朱古力迷緊係食Chocolate Love啦~~~~~

朱古力雪糕+朱古力醬

一致認為依個好食d~~~~

緊係啦~~~因為係我揀架 XDDD

切開左之後都係大同小異~~

入面d吐司仔真係勁好味 

個甜品咁靚靚

當然小不了拎住佢影相啦 :)

飲飽食醉就去收銀到埋單啦~~

收銀處格離有小小野睇

有一大堆牛牛擺設 唔知有咩關係呢?

睇多兩睇~ 好似係遲d比會員換購架~~

咁多個牛牛擺設

依隻就最嘆 haha

想日日都好似佢咁 咁他條呀 XDDD

最後放張閃光相 hehe

食飽飽之後

個天由灰到爆變成藍到爆~~~

所以先影到d好似畫咁靚既合照 XDDD

我真係好鍾意藍天 yeah

泰國遊記

下次 下次 下次大概可以